Friday, 22 July 2011

കുഞ്ഞുമാവിന്റടിയിലെ വസന്തകാലം......

ഓര്‍മകളുടെ നിലാവ് പെയ്യുന്ന
ബോധ ചന്ദ്രികയില്‍ മുങ്ങി ,
ഇന്നലെകളെ നോക്കുമ്പോള്‍
...മധുരമാമെന്തെങ്കിലും ബാക്കിയുണ്ടാകും...
അത്, കുഞ്ഞുമാവിന്റടിയിലെ
മധുര നൊമ്പരങ്ങള്‍ ആയിരിക്കും...
നിശബ്ദ സാഗരഗര്ഭത്തില്‍ ഇപ്പോഴും
മിടിക്കുന്നു ആ ഓര്‍മ്മകള്‍...
വസന്തകാലത്തിന്‍ ഓര്‍മ്മകള്‍...
ഒടുവില്‍.... ഒരപേക്ഷ,
കാലമേ..., നീ മായ്ക്കരുത്
കുഞ്ഞുമാവിന്റടിയിലെ ആ
വസന്തകാലത്തിന്നോര്‍മകളെ...See More

മഴയും...മൗനവും.....

മഴയെ മഞ്ഞിനേക്കാള്‍ ഇഷ്ടമാണെനിക്ക്... കാരണം, എന്‍റെ മൗനവും മഴയും കൂട്ടുകാരാണ്.
പിന്നെ മഴ പെയ്യുമ്പോള്‍ പ്രിയമുള്ള ഒരു സാമീപ്യം തൊട്ടരികില്‍ എവിടെയോ ഒളിച്ചു കളിക്കും.
രൂപമില്ലാത്ത ആ സാമീപ്യം എനിക്ക് സാന്ത്വനമാണ്. മനസ്സില്‍ ഗൃഹാതുരതകള്‍ ഉണര്‍ത്തുന്നതും
മഴയാണ്.... ഈ മനസ്സില്‍ വിങ്ങി നിന്നതത്രെയും മഴയോടൊപ്പം ഒഴുകി പോകും. ...........
" പിണങ്ങിയും ഇണങ്ങിയും
കൈ കോര്‍ത്ത്‌ നടക്കുന്ന
'ഞാനും' 'നീയു'മാണ്
മഴയും മൗനവും....."